Los Cuentos de La Luna 25 urte

Badira 25 urte Logroñoko El Café de la Luna ostatuan Los Cuentos de La Luna ipuin kontaketa saioak antolatzen direla. Urte guzti hauetan bertatik pasa diren kontalariak hamaika izan dira, esan daiteke Espainian dauden puntakoenak, baita Euskal Herria, Katalunia, Portugal, Galiza eta Frantziakoak ere, eta Europatik kanpokoak. Programazioa ederki zaintzen den lekua da, horrek ekarri duela publikoaren aldetik harrera bikaina izatea eta egun kontagintzan erreferentziazko lekua izatea. Denboraldi berria hasi da eta maiatza bitarte zazpi kontalarien ikuskariekin gozatzeko aukera izango da. Aurtengo kontalariak: Felix Albo (Alacant-Otsailak 26), Paula Carballeira (Galiza-Martxoak 18), Joxemari Carrere (Euskal Herria-Martxoak 25), Magda Labarga (Madril-Apirilak 8), Carles García Domingo (Logroño-Apirilak 22), Edu Sáenz de Cabezón (Logroño-Maiatzak 13) eta Ana Griot (Madril-Maiatzak 27). Estilo ezberdinak, proposamen interesgarriak eta, batez ere, kontagintzari behar zaion begirunea zaintzen duen egitaraua. Ostiraletan 20:30etan Logroñoko El Café de La Luna. Bertatik bazaudete ez galdu aukera.

Martxoa Jaialdiez betea

EUSKAL HERRIAN

Ahoz Aho- Tolosa/Ordizia
Negu epel honen amaiera  kontakizunez gainezka datorkigu. Han eta hemen kontaketa jaialdiak martxan jarri dira, batzuk ibilbide sendoarekin, beste batzuk ibiltzen hasiak. Euskal Herrian fetxa hauetan bi nagusitzen zaizkigu: Intujai Taldearen eskutik Gipuzkoan Aho Ahoz Nazioarteko Ahozkotasun Jaialdia, Tolosa eta Ordizian, aurten bederatzigarren edizioara heldu delarik. Otsailaren 27tik martxoaren 19ra Kontalari euskaldunek eta atzerritarrek, profesionalek eta hasi berriek, euren ikuskariak ekarriko dizkigute martxoan zehar. Hasiera indartsua gainera, Pep Bruno kontalari espainiarrak hasiera emango baitio jaialdiari, helduentzako ipuin saio batekin, eta hori gutxi balitz, asteburuan ikastaro txikia emango du Errepertorioa ardatz hartuta. Informazio gehiago nahi izanez gero hementxe: Ahoz Aho programazioa

Istorio Biziak- Bilbo
Bizkaian berriz, Istorio Biziak jaialdia proposatzen digu Alabazan Taldeak. Ia hasi berria den jaialdi honek bere lekua egin du Bilboko kultur programazioan, eta Euskal Herrian ere ezgutzen ari da. Otsailaren 22tik martxoaren 4era bitarte 23 ekitaldi eskainiko dira Bilboko 2. barrutiaren leku ezberdinetan. Informazio gehiago: Istorio Biziak

EUSKAL HERRITIK KANPO
Gurean iragarrita dauden jaialdiez gain, gustuko duenak eta aukera izanez gero baditu beste proposamen interesagarriak iberiar penintsulako leku ezberdinetan kontakizunekin gozatzeko. Hona hemen batzuk:

Espainia

Cuentacuarenta. Avila

Gaztelako hirian aurten bosgarren ediziora heltzen da Cuaentacuarenta Ciclo Internacional de narración para Adultos jaialdia. Berrogei egunez aste santuaren aurretik, hamaika kontaketa saio daude programatuak, puntako kontalariekin denak. Avilaren hotzari istorioen bitartez egiten diote aurre eta urtetik urtera arrakasta handitzen doa, egun Avilako kultur ekimen interesgarrienetako bat bihurtuz. Asteburuan plana ederra bidaiatxo bat egiteko; hemen duzue informazioa: Cuentacuarenta

Fraga T Cuenta. Aragoi.
Igaro berria da Huescako Fraga herrian egiten den jaialdia. Laugarren ediziora heldu da eta hemen ere lurralde ezberdinetako kontalariek euren ikuskariak aurkezten dituzte. Fraga Aragoien katalanez mintzatzen den lurraldearen barnean dago, hortaz gaztelaniaz gain katalanez ere eskaintzen dituzte ikuskariak. Pixkanaka Espainian antolatzen diren Kontaketa Jaialdien artean bere lekua egiten ari da, bere txikitasunean bada ere. Zer eskaini duten kuriositatea baduzue hemen begiratu: Fraga T Cuenta

Galiza

Conta con Narón. ACoruña
Azken urteotan kontaketa jaialdiak ugaritzen ari direla dirudi Galizan. Hona hemen horietako bat. Narón A Coruñan dago Ferroletik gertu. Jaialdia martxoaren 3,4 eta 5ean deitua dago lau kontalari ezagunekin, bi galiziar, Kiko Cadaval eta Paula Carballeira, Kamerundar bat Boni Ofogo eta Nleson Calderón Colonbiarra. Laurak estilo ezberdinekin baina arras interesagarriak. Kasualidadez bertatik bazaudete ez galdu ukera; edo lagunen bat baduzue handik gertu esaiozue gerturatzeko ez da damutuko.
 Hemen begiraConta con Narón
dezakezue egitaraua:






Portugal

Maré de Contos- Tavira
Zaila izan arren, beharbada norbait Portugaleko hegoaldetik paseotxo bat ematen ari da, ba zer egin ez dakiela badago hona hemen proposamena: Tavirako Maré de Contos jaialdia. Tavira Portugaleko hegoaldean dago Andaluziako mugatik gertu. Jaialdia bertako ahozkotasun ondarearen zaintzearekin lotu nahi dute, altxor horri garrantzia emanez. Portugaleko kontalaririk onenetakoak izango dira bertan otsailaren 28tik martxoaren 6 arte. Beraz bertatik pasatzen bazarete ez galdu aukera.


Egitaraua:Maré de Contos

Istorio Biziak 2016

Beste urte batez Istorio Biziak kontaketa jaialdia antolatu dute Bilbon. Bizkaiko hiriburuko 2. barrutian (Uribarri) eta Castaños eta Zurbaranbarriko Udaltegietan, kontaketa egitarau zabala antolatu dute Alabazan Taldeko lagunek. Haurrentzat eta helduentzat ipuin saioak, poteoa bertsolari eta kontalariekin, literatur tailerrak... Programazio zabala beraz, denen gusturakoa, euskal Herriko kontalari zein kanpotik heldu direnekin. Hori gutxi balitz, aurten opari ederra egiten digute, izan ere eskoletan landutako ipuinekin liburu bat osatu dute eta horren aurkezpena izango da jaialdiaren barnean.
Urtetik urtera sendotzen ari den jaialdia, espero dezagun bide horretan aurrera egitea eta Bilbon bertan zabaltzea gehiago, bai espazio gehiago hartuz zein publikoaren aldetik. Orain bakarrik falta da eskaintza zabal horrekin gozatzea.

Hementxe duzue egitaraua:

Istorio Biziak Egitaraua

Guadalajarako Ipuin Maratoia 2016

Aurten ere heldu zaigu Guadalajarako (Espainia) Ipuin Maratoia. Eta ondo heldu gaienra, izan ere aurten 25 urte beteko ditu kontagintzaren erreferentzia den jaialdia. Ekainaren 17tik 19ra Gaztelako hiria faantasiaz jantziko da, ehunka ipuinak alderik alde zabalduz. Ostiralean hasi eta igande eguerdirarte Infantadoko Jauregiko patioan etenik gabe entzun ahal izango dira kontakizunak, gau eta egun. taula gainera kontalari profesionlak nahiz zaletuak ipuin bat kontatzera igoko dira, bi baldintza bakarrikizango direlarika, izena ematea eta ez irakurtzea. Formula sinple horrekin Espainian zein Europan kontagintzaren erreferente bilakatu da jaialdi herrikoi hau. Jauregian egiten den ekitaldi nagusiaz gain, bestelako ekitaldiak izan ohi dira, bertan kontalari profesionalen ikuskariak aurkezten direlarik. Hitzaldiak, kale ikuskizunak eta inguruko tabernetan giro aparta izango ditu zain ere egun horietan Guadalajarara gerturatzen den. Kontagintza maite duenarentzat, profesionala edo zaletua izan, ezinbesteko hitzordua dugu. Aurten 25 urte betetzen dituelarik, are zita erakargarriago.

Maratón de los cuentos Guadalajara

Koldo Zuazori elkarrizketa GARAn

Elkarrizketa interesgarria Koldo Zuazorekin, euskalkiak eta euskara batuaren arteko oreka bilatzearen gaiarekin. Gogoeta interesgarriak atera daitezke kontagintzan erabiltzen den euskararen gainean, eta baita eszenarako nolabaiteko euskara batuaren bilaketan.
dioguhttp://www.naiz.eus/eu/hemeroteca/gaur8/editions/gaur8_2016-02-13-06-00/hemeroteca_articles/euskararen-meritua-euskalkiek-xxi-mendera-arte-bizirik-irautea-da-eta-aurrera-egiteko-bizirik-dagoen-horri-eutsi-behar-diogu

Beste urte batez heldu da Ahoz-Aho nazioarteko ahozkotasun jaialdia. Otsailaren 26 martxoaren 19 bitarte, hainbat ikuskri eta ikastaro antolatu dituzte Intujaiko lagunek. Tolosa eta Ordizia herri gipuzkoarretan leku ezberdinetatik heldutako kontalariak saiatuak eta hasi berriak ikusi ahal izango ditugu euren ikuskariak eskaintzen. Helduei eta haurrei zuzendutako ikuskariak, estilo ezberdinetakoak izango ditugu aukeran. 

Ahoz-Aho Euskal Herrian antolatzen diren kontalaritza jailadi bakanetakoa dugu, beraz, okasio aparta dugu kontaketa proposamen ezberdinak ikusteko, batez ere helduei zuzendutakoak; izan ere, ez baita ohikoa kontaketa helduentzat antolatzea. Horrekin batera formazio ikastaro bi antolatu dituzte Pep Bruno eta Bea Egizabalekin, biak kontagintzan aspaldian hasitakoak. Eta horiekin batera Ipuinen Ahozko Narrazio lehiaketa. Kontaketa maite duenak badaki nora jo, eta ezagutzen ez duenak, arte eszeniko honen deskubrimendu ederra egin dezake. Tolosan eta Ordizian dugu zita.

http://intujaiteatro.blogspot.com.es/2016/02/ahoz-aho-2016-egitarauaprograma.html